Լավատեսներին դեղն ավելի լավ է օգնում. 1in.am

Նոր հետազոտությունները ցույց են տվել, որ լավատեսությամբ կարելի է բարձրացնել դեղերի ազդեցության արդյունավետությունը: Միաժամանակ հոռետեսորեն տրամադրված լինելը կարող է դա նվազեցնել, հայտնում է newsyou.info-ն:

Գերմանացի և բրիտանացի գիտնականներն օգտագործել են առողջ մարդկանց խմբում ուղեղի սքանավորում, որպեսզի ուսումնասիրեն, թե ինչպես են դրական կամ բացասական սպասումներն արտացոլվում ուղեղի գործունեության վրա:

Հետազոտողներն օգտագործել են ջերմության աղբյուր, որպեսզի ցավ պատճառեն կամավորներին և սքանավորեն նրանց ուղեղն այդ ժամանակ:

Փորձին մասնակցել է 22 մարդ: Նրանց առաջարկել են գնահատել իրենց ցավը մինչև 100 բալային համակարգում:

Գիտնականները եզրակացրել են՝ սպասումը, որ ցավազրկողը արդյունավետ կլինի, կրկնապատկել է դեղի ազդեցությունը, իսկ բացասական տրամադրվածությունն այն նվազեցրել է:

Հարցեր, պատասխաններ, մեկնաբանություններ